Fomento do contrato para a formación e á aprendizaxe (TR349G)
- Data publicación
27/04/15
- Corpo
Obxecto
Incentivar ás contratacións para a formación e a aprendizaxe que se realicen con persoas mozas desempregadas maiores de 16 anos e menores de 30 anos que carezan da cualificación profesional recoñecida polo sistema de formación profesional para o emprego ou do sistema educativo requirida para concertar un contrato en prácticas para o posto de traballo ou ocupación obxecto do contrato.
As contratacións polas que se solicita subvención deberán formalizarse e comunicarse á oficina pública de emprego na forma regulamentariamente establecida, e ter data de inicio comprendida entre o 1 de outubro de 2014 e o 30 de setembro de 2015, ambas inclusive, cando a entidade solicitante sexa unha empresa, e entre o 15 de novembro de 2014 e o 15 de novembro de 2015 cando os contratos sexan formalizados polas entidades da Administración local da Comunidade Autónoma de Galicia.
Tamén serán subvencionables as cotizacións á Seguridade Social correspondentes aos contratos para a formación e aprendizaxe formalizados polos concellos de Galicia e subvencionados ao abeiro da convocatoria do ano 2014.
Entidades Beneficiarias
Poderán ser entidades beneficiarias dos incentivos previstos neste programa as persoas empregadoras e as empresas, calquera que sexa a forma xurídica que adopten, incluídas as persoas autónomas, as sociedades civís e as comunidades de bens, aínda que carezan de personalidade xurídica, que contraten traballadoras ou traballadores por conta allea para prestaren servizos en centros de traballo radicados na Comunidade Autónoma de Galicia, de acordo cos requisitos e condicións que se establecen neste programa.
Como consecuencia da contratación temporal pola que se solicita a subvención ten que incrementarse o emprego neto da entidade no ámbito territorial de Galicia respecto á media dos 3 meses anteriores ao mes de realización da contratación pola que se solicita subvención, agás que as contratacións sexan realizadas Entidades da Administración Local da Comunidade Autónoma de Galicia.
Así mesmo, tamén poderán ser entidades beneficiarias dos incentivos previstos neste programa os concellos e as deputacións provinciais da Comunidade Autónoma de Galicia.
Contratacións subvencionables
Os incentivos previstos neste programa serán de aplicación aos contratos para a formación e a aprendizaxe que teñan unha duración mínima dun ano e deberán ser realizadas con mozos e mozas desempragadas. Non obstante, mediante convenio colectivo poderán establecerse distintas duracións do contrato, en función das necesidades organizativas ou produtivas das empresas, sen que a duración mínima poida ser inferior a 6 meses nin a máxima superior a 3 anos.
O contrato para a formación e a aprendizaxe deberá adecuarse ao establecido no Real Decreto 1529/2012, do 8 de novembro, polo que se desenvolve o contrato para a formación e a aprendizaxe e se establecen as bases da formación profesional dual.
O acordo para a actividade formativa no contrato para a formación e a aprendizaxe debe ser autorizado pola Dirección Xeral de Emprego e Formación da Xunta de Galicia.
Contías dos incentivos
Os contratos para a formación e a aprendizaxe incentivaranse cunha axuda de ata 1.200 €, sempre que a súa duración sexa de doce meses e a parte proporcional cando no caso de autorización mediante convenio colectivo a duración do mesmo sexa inferior, e o tempo efectivo de traballo sexa igual ao 75% da xornada de traballo, e a parte proporcional se a xornada de traballo e menor. Neste último caso poderase subvencionar a cotización á Seguridade Social correspondente á persoa empregadora sempre que o contrato para a formación e o aprendizaxe sexa realizado por una entidade da Administración Local de Galicia e sen que en ningún caso a contía da subvención poda superar a contía máxima de 2.000 euros. No suposto regulado no artigo 27.1 segundo paragrafo a contía máxima será de 800 euros e polas primeiras 12 mensualidades do contrato subvencionado.
Prazo de solicitudes
O prazo para a presentación das solicitudes de axudas presentadas por empresas rematará o 30 de setembro de 2015, e o das axudas presentadas polas entidades da Administración local da Comunidade Autónoma de Galicia o 15 de novembro de 2015.
As axudas previstas neste programa polas contratacións realizadas por empresas deberán solicitarse ata o último día do mes seguinte á data en que se inicie a relación laboral.
As solicitudes de axudas polas contratacións realizadas por empresas entre o 1 de outubro de 2014 e a data da publicación desta orde (27/04/2015), deberán presentarse no prazo dun mes desde a data da entrada en vigor da orde reguladora (27/05/2015).
Orde de convocatoria
Orde de 20 do abril de 2015 pola que se establecen as bases reguladoras e se procede á convocatoria para o ano 2015 das subvencións para o financiamento da formación e da actividade laboral dos contratos para a formación e aprendizaxe regulados polo Real Decreto 1529/2012, do 8 de novembro (DOG. Nº 78, do 27 de abril).
- Estado:
En prazo
Documentos relacionados
Ligazóns relacionadas
Emprego Viveiro 